Blogroll

Msn bot last visit powered by MyPagerank.Net
Yahoo bot last visit powered by MyPagerank.Net
Google Pagerank Powered by  MyPagerank.Net
free counters

Pages

English French German Spain Italian Russian Portuguese Japanese Korean Chinese Simplified

28 Desember 2011

ABU DI ATEH TUNGGUA

ABU DI ATEH TUNGGUA
(Diskusi di Ruang Group Facebook: BENARKAH ADAT MINANG BERSENDIKAN SYARAK?)


USMAN JAMBAK: Kedudukan urang sumando dalam masyarakat adaik Minangkabau acok bana digambarkan 'Bak Abu di Ateh Tunggua' dan iko dianggap sebagai salah satu nan balawanan jo syarak, ba a duduak tagak persoalan iko go mamak sarato dunsanak nan duduak dalam ruang nangko...
Top of Form
'Datuk Mudo menyukai ini. (22 Desember 2011)

Komentar:
http://profile.ak.fbcdn.net/hprofile-ak-ash2/371174_1808396949_127087640_q.jpg'DATUK MUDO: Indak ado ayat Qur'an nan manyingguang atau mangaturnyo, agiahlah bocorannya senek sanak kalau ado
12 jam yang lalu · Suka

http://profile.ak.fbcdn.net/hprofile-ak-snc4/211725_100001169762423_1583121283_q.jpgUSMAN JAMBAK: Iyo batua bana tu Mak 'Datuk Mudo, indak ado ayat jo hadih nan mambicarakan tapi katiko bicaro persoalan adaik apolai kalo terkait dg posisi urang sumando mako ungkapan nan sarupo iko muncul, makonyo ambo tanyoan ba a pamahamannyo ko...
12 jam yang lalu · Suka

http://profile.ak.fbcdn.net/hprofile-ak-ash2/371174_1808396949_127087640_q.jpg'DATUK MUDO: Tapi konteks nyo hubungan sasamo manusia kan lai diatur samo agamo kito. Jadi nan paralu kito pedomani sajo baa nan disyariatkan oleh Islam. Saling hormat menghormati dan manjago perasaan hrs diperhatikan
12 jam yang lalu · Suka

http://profile.ak.fbcdn.net/hprofile-ak-snc4/211725_100001169762423_1583121283_q.jpgUSMAN JAMBAK: Apo nan mamak katokan itulah kato nan sabananyo mak 'Datuk Mudo, cuma sebagai urang nan dilahiakan dan gadang di ranah Minang tacinto ko sudah sapatuiknyo juo mangatahui seluk beluk masyarakaik jo adaiknyo, kalo toh ado pertentangan tentu ado jalan damainyo. Bukankah falsafah dasarnyo ABS-SBK, kini kito temukan ado beberapo falsafah yang secara sepintas lalu berlawanan dg syarak, nah dalam persolan nan sarupo iko tentu ado pemahamannyo yg tapek sahinggo kito tidak hanyo manilai dari apo nan ta tulih...
12 jam yang lalu · Suka

http://profile.ak.fbcdn.net/hprofile-ak-snc4/23096_100001117852271_1254_q.jpgHELMIDJAS HENDRA: Assalamu’alaikum Wr Wb. MANURUIK ambo, kalau Adat Minangkabau lai konsisten disigi jo kaco mato Islam (bukan sabaliaknyo ajaran Islam nan disenter jo aturan Adat Minangkabau), indak basuo konsep sumando dalam syarak do. Konsep sumando nan hanyo ado dalam adat Minangkabau ko jo konsep mamak, sabananyo samacam dualisme nan bisa mabueak galombang balimpik, (fungsi dan peran yang tumpang tindih bahaso nasionalnyo). Karano mamak ko areak bana hubungannyo jo konsep "anak dipangku kamanakan dibimbiang" Tapi samo jo sumando konsep "kamanakan dibimbiang" ko indak pulo ado dalam syarak do. Itu konsep tangguang jawab sosial nan hanyo ado dalam klausul Adat Minangkabau. Apo sebanyo konsep-konsep sumando jo mamak ko indak ado dalam syarak ? Manuruik ambo dek karano Allah labiah tahu sampoai di ma bateah kamampuan laki-laki. Laki-laki indak kamampu berperan ganda (badwifungsi) "mamangku anak sakali gus mambimbiang kamanakan". Kalaupun ado nan mampu hanyo saketeak sajonyo, mungkin nan tagoloang laki-laki super. Sadangkan ajaran Islam tu indak khusus untuak urang Minangkabau sajo do, berlaku untuak seluruh alam. Indak kamungkin pulo ninik muyang awak saisuak nan manyusun Adat Minangkabau ko labiah tahu pado Allah, labiah santiang pulo visinyo pado Allah. Jadi manuruik ambo, indak ado jalan lain, Islam nan harus manyempurnakan Adat Minangkabau, bukan sabaliaknyo. Baa pandapeak sanak nan lain ? Partanyaannyo : Apo laki-laki Minang harus bapungsi tunggal sajo sabagai imam dalam rumah tanggonyo sasuai jo ajaran Islam ? Atau tetap bafungsi ganda jo “beban tambahan” manjadi mamak bagi kamanakan jo dunsanak padusinyo sarupo nan ado dalam ajaran adat ? Ambo raso, suko atau indak suko, iko partanyaan nan paralu awak cari jawabannyo. Baa manuruik sanak ?.Wassalam
11 jam yang lalu · Suka

http://profile.ak.fbcdn.net/hprofile-ak-snc4/211725_100001169762423_1583121283_q.jpgUSMAN JAMBAK: Tarimokasih pencerahannyo mak Helmidjas Hendra, difokuskan dg pertanyaan ambo: apo sebetulnyo pemahaman 'abu di ateh tunggua' ko mak?
10 jam yang lalu · Suka

http://profile.ak.fbcdn.net/hprofile-ak-snc4/370401_1566114296_838005984_q.jpgIBU ASNIWITA: Menuruik ambo arti abu di ateh tunggui pai tidak maninggaan bakeh..mungkin itu mhn maaf kalau salah,contoh nyo mertuo terhadap minantu hati2 bana manjago hati minantu/ sumando(dulu di kampuang). Sebab menantu salah saktek mudah baganyi(sisuak) nyo baok baju sketek dari rmh ortunyo...tlg tukuak sanak..:)
9 jam yang lalu melalui seluler · Suka

http://profile.ak.fbcdn.net/hprofile-ak-snc4/23096_100001117852271_1254_q.jpgHELMIDJAS HENDRA: Assalamu'alaikum Wr Wb. @ USMAN JAMBAK > KOK manuruik pamahaman ambo "abu di ateah tunggua" ko dari kaco mato Islam artinyo negatif, meskipun dari kacomato adat mukasuiknyo adolah penegasan bahaso sumando tu kedudukannyo labil, indak kuat, indak mancakam sarupo kadudukan mamak/tungganai, karano inyo urang lua nan sawaktu-waktu bisa pai (tabang) kalau ado panyabab (angin kancang atau kanai hujan bagai). Mako manuruik ajaran Islam negatif, karano sumando ko banalah sabananyo nan imam dalam keluarganyo, nan mancarikan nafkah, mambimbiang untuk keselamatan keluarganyo (istri jo anak-anaknyo) di dunia di akhirat, nan maitam jo mamutiahkan (istri harus taat ka suaminyo, anak harus taat ka bapaknyo, sapanjang suami/bapak indak manyuruah malangga perintah Allah) Jadi peran dan fungsi sumando ko bukan sakadar manjadi (maaf) pejantan, sarupo katiko Islam alun masuak manyempurnakan adat Minangkabau. BANYAK juo nan bapandapeak istilah "abu di ateah tunggua" ko hanyo digadang-gadangkan dek sumando-sumando nan indak tagoloang sumando niniak mamak, sabagai alasan untuak balapeah tangguang jawab. Tapi dek ambo indak basuo contoah nan sarupo tu do, tertulis atau di lapangan. Wassalam
9 jam yang lalu · Suka · http://static.ak.fbcdn.net/rsrc.php/v1/yw/r/drP8vlvSl_8.gif2

http://profile.ak.fbcdn.net/hprofile-ak-snc4/211725_100001169762423_1583121283_q.jpgUSMAN JAMBAK: Sasuai ambo mak Helmidjas Hendra, sebagai perimbangan informasi kan indak ba a ambo nukil juo hasia diskusi ambo jo salah surang Datuak di kampuang doh..?? kok lai buliah ko kasimpulan nan dapek ambo ambiak dari diskusi nan tun. Istilah 'Bak Abu di Ateh Tunggua' ko bukan sebagai perwujudan lamahnyo kedudukan urang sumando karano baliau urang nan dijapuik sarato dijangkau, istilahko muncul sabagai wujud kuat dan logisnyo kaduduak-an inyo. Abu di ateh tunggua bukan abu sumbarang abu nan tatonggok di ateh tunggua, abu di ateh tunggua nan dimukasuik adolah abu hasia pambakaran batang padi (tunggua) di sawah. Abu nan tatonggok di tunggua tu sangat sulik dibarasiahan apolai kalo lah disiram pulo dek aia (kalo ndak picayo buliah eksperiment mak..he..he). Kondisi ko dikaikkan dg posisi urang sumando, kalopun tajadi juo angin nan ka ma asak tampeknyo, toh inyo pulang ka rumah kekerabatan Ibunyo dalam keadaan malenggang sajo (tanpa mambao suatu barang apapun) tamasuak barang nan ketek2, bahkan CD sekalipun tak akan inyo bao, satiok malam barang2 inyo akan selalu dipandangi oleh si isteri, dalam kondisi nan mode iko (kalo kesalahan barasa dari pihak isteri) biaso isteri akan luluh dan akan mamaso mamak atau dunsanak laki-lakinyo untuak mambaliak-an lakinyo. Kalolah seperti iko pemahamannyo ternyato ado ketinggian makna nan tasimpan di baliak papatah-petitih Minangkabau iko....

Oke, mak. kito fokus dg pemaknaan mamaak, pertanyaaan berikutnyo: pabilokoh urang sumando ko dikatoan abu diateh tunggua? apokoh istilah ko balaku umum? Trim's mak.
7 jam yang lalu · Suka · http://static.ak.fbcdn.net/rsrc.php/v1/yw/r/drP8vlvSl_8.gif1

http://profile.ak.fbcdn.net/hprofile-ak-snc4/23096_100001117852271_1254_q.jpgHELMIDJAS HENDRA: Assalamu'alaikum Wr Wb @ USMAN JAMBAK > Kalau untuk sakadar ilustrasi, nan sanak caritokan tu buliah lah, tapi dari aspek filosofi indak basuo. Sabab tunggua jo munggua jo batang padi (jarami) balaian artinyo. Tunggua nan dimukasuik ko bahaso Indonesianyo tunggul, pangka batang kayu nan alah rabah atau ditabang. Cubolah manyiram jo aia atau maambuik jo angin bagai kok indak tabang abu di ateah tunggua tu. Manuruik ambo di siko lah jalan basimpang sanak. Ikolah sabab utamonyo baa mako generasi mudo Minangkabau, apo lai nan gadang jo lahia dirantau indak manyambuang jo tuo-tuo nan di ranah, katiko mereka urang-urang mudo ko ingin mamahami adat Minangkabau ko dari "sumberf asli"nyo (para pangulu) nan saharusnyo bak kayu gadang ditangah padang, ureaknyo tampeak baselo, batangnyo tampeak basanda, KA PAI TAMPEAK BATANYO, KAPULANG TAMPEAK BABARITO. iko nan indak jalan, dek banyak mamak, tungganai jo pangulu, indak mampu manyampaikan informasi adat Minangkabau nan proporsional. Iko pandapeak ambo pribadi mah sanak
TENTANG pertanyaan: pabilokoh urang sumando ko dikatoan abu diateh tunggua? apokoh istilah ko balaku umum?, insya Allah sudah Magrib ambo jaweak. Wassalam
7 jam yang lalu · Suka

http://profile.ak.fbcdn.net/hprofile-ak-snc4/23096_100001117852271_1254_q.jpgHELMIDJAS HENDRA: Assalamu'alikumm Wr Wb. Maaf, talambeak ambo manjaweak tanyo sanak. Iko jawabannyo manuruik ambo. Urang sumando ko dikatoan abu di ateh tunggua salamo manjadi urang sumando. Karano inyo tetap dindak dianggap bagian dari keluarga istri jo anaknyo. Sukunyo babeda jo jo suku istri jo anaknyo karano mereka indak sakaum. Tapi urang sumando ko bisa sacaro sepihak malapeahkan dirinyo dari parasaan manjadi abu di ateah tunggu tu. Caronyo sederhana sajo asa inyo lai mampu. Inyo bao keluarga nyo (keluarga batih = nuclear family) ka tampeak nan "merdeka" (diseo, dikontrak atau dibalinyo) rumah untuk inyo anak baranak, inyo bausao di lua lembaga yang basangkuik pauik jo harta milik kaum istrinyo (rumah gadang, lahan pertanian dsb) Kalau ituy inyo lakukan sulik manyabuik inyo abu di ateah tunggu, karano inyo manjadi imam dalam keluarganyo. Kok datang bana mamak jo dunsanak istrinyo mereka datang sebagai tamu. Itu manuruik ambo, itu makonyo urang sumando di rantau indak marasokan sindrom abu di ateah tunggua ko, karano itu pandangan sepihak ndari pihak kaum istrinyo. PERTANYAAN KADUO apokoh istilah ko balaku umum?
2 jam yang lalu · Suka

http://profile.ak.fbcdn.net/hprofile-ak-snc4/23096_100001117852271_1254_q.jpgHELMIDJAS HENDRA: (SAMBUNGAN) Manuruik ambo memang balaku umum, karano iko manyangkuik status. Nan balaku khusus ado pulo, kok suko maasuang fitanah "sumando kacang miang namonyo", kok nan taruih mambuek malu "sumando langau ijau" namonyo, kok nan gilo maulik anak bini indak acuah ka kamanakan jo dunsanak padusi, biapun sasuai jo ajaran Islam, "sumando apak paja" namonyo, tapi kok lai elok, panyantun, pitih banyak pulo, "sumando ninik mamak" namonyo. Sagitulah dulu, salabiahnyo tanyolah ka inyiak. Wassalam
sekitar sejam yang lalu · Suka

http://profile.ak.fbcdn.net/hprofile-ak-snc4/211725_100001169762423_1583121283_q.jpgUSMAN JAMBAK: Mamak Helmidjas Hendra, tarimokasih banyak atas tanggapan2 nan mamak barikan walau mamak mangatoan talambek tp bagi ambo ndak talambek doh, karano ambopun baru mambaco baru, satantangan penjelasan mamak 2 nan terakhir agak sulik ambo tarimo mak, persoalannyo: kalo kito kontekstualisasikan persoalan iko dg jaman kini, dimano urang sumando ndak lai ma unyi rumah gadang bininyo dalam artian alah mambali tanah atau pai marantau dan lah mambuek rumah pulo di rantau urang tantu sitilah 'Abu di ateh tunggua' ko indak dapek dipakaikan, sia nan ka ma usiak inyo justru sabaliaknyo kalo mamak (sdr laki2 istri) ikuik sarato jo inyo bisa2 mamaklah nan bakaduduak an sabagai abu di ateh tunggua...
Kalolah analisa ambo ko dapek ditarimo tentu pertanyaan ambo kaduo jawabannyo TIDAK berlaku umum, hanyo balaku bagi urang sumando nan tingga di kekerabatan isterinyo dalam artian masih 'mangakeh' jo harato pusako bininyo, ba a kiro2 analisa ambo ko mak....
sekitar sejam yang lalu · Suka

http://profile.ak.fbcdn.net/hprofile-ak-snc4/23096_100001117852271_1254_q.jpgHELMIDJAS HENDRA: Assalamu'alaikum Wr Wb @ USMAN JAMBAK > Indak babeda pandapeak awak tu do, balain latak tumah. Persepsi ambo tentang pengertian "balaku umum", mukasuik ambo untuk kaampeak kategori urang sumando tu (kacang miang dsb) Dek sanak berdasarkan kemandirian sacaro finansial, samo jo apo nan ambo sabuik di komen sabalunnyo, iko kutipannyo sbb :
Tapi urang sumando ko bisa sacaro sepihak malapeahkan dirinyo dari parasaan manjadi abu di ateah tunggu tu. Caronyo sederhana sajo asa inyo lai mampu. Inyo bao keluarga nyo (keluarga batih = nuclear family) ka tampeak nan "merdeka" (diseo, dikontrak atau dibalinyo) rumah untuk inyo anak baranak, inyo bausao di lua lembaga yang basangkuik pauik jo harta milik kaum istrinyo (rumah gadang, lahan pertanian dsb) Kalau itu inyo lakukan sulik manyabuik inyo abu di ateah tunggu, karano inyo manjadi imam dalam keluarganyo. Kok datang bana mamak jo dunsanak istrinyo mereka datang sebagai tamu. Itu manuruik ambo, itu makonyo urang sumando di rantau indak marasokan sindrom abu di ateah tunggua ko, karano itu pandangan sepihak ndari pihak kaum istrinyo.
sekitar sejam yang lalu · Tidak Suka · http://static.ak.fbcdn.net/rsrc.php/v1/yw/r/drP8vlvSl_8.gif1

http://profile.ak.fbcdn.net/hprofile-ak-snc4/211725_100001169762423_1583121283_q.jpgUSMAN JAMBAK: Oke mamak Helmidjas Hendra lah agak batamu rueh jo buku di ambo kini tu, sebagai pertanyaan lanjutan mak: Kapan munculnyo istilah iko, mak? adokoh mamak mampunyoi bahan bacaan nan mangulas secara anjang leba persoalan urang sumando di dalam masyarakat adat Minangkabau ko?
55 menit yang lalu · Suka
Bottom of Form

2 Komentar:

as wr wb,
ijin menyimak nih Uda.....lanjuut Da

Posting Komentar

Ihkwan Fillah

Twitter Delicious Facebook Digg Stumbleupon Favorites More